آئی فون بنانے والی کمپنی میں توڑ پھوڑ، تقریباً 437 کروڑ روپیے کا نقصان

<p>کولار (کرناٹک)، ہماری آواز(نامہ نگار)
کولار ضلع میں واقع تائیوان کی مینوفیکچرنگ کمپنی ویسٹران کارپوریشن کے نرس پورہ مینوفیکچرنگ پلانٹ میں تنخواہ دینے کے معاملے پر مشتعل ملازمین کے ذریعہ تشدد ، تخریب کاری اور لوٹ مار کی گئی۔ پریشان کن ملازمین نے عمارت ، قیمتی سامان ، مشینیں اور کمپیوٹرز کو نقصان پہنچایا۔کمپنی ویسٹرون کارپوریشن کا الزام ہے کہ اس نے تنخواہ کے معاملے میں کچھ ملازمین کی پریشانی کے سبب کرناٹک کے ضلع کولار میں واقع اپنے پلانٹ میں 437.40کروڑ روپے کا نقصان اٹھایا ہے۔ یہ کمپنی ایپل کے لیے آئی فون(I Phone) اور دیگر کمپنیوں کے لیے آئی۔ٹی۔مصنوعات تیار کرتی ہے۔
ویماگل پولیس اسٹیشن میں درج شکایت میں کمپنی کے ایگزیکٹو ٹی۔ڈی۔پرشانت نے کہا ہے کہ دفتری سامان ، موبائل فون ، پروڈکشن مشینری اور اس سے متعلقہ گیجٹ کو نقصان پہنچایا گیا ہے جس کی مجموعی قیمت تقریباً 412.5 کروڑ روپے ہے،جبکہ انفراسٹرکچر کو 10 کروڑ،کاروں اور گولف کارٹس کے ذریعہ 60 لاکھ اور1.50 کروڑ مالیت کے اسمارٹ فونز اور دیگر گیجٹ کو نقصان پہنچاہے یا چوری ہوئی ہے۔ انہوں نے اپنی شکایت میں کہا ہے کہ 5000 کنٹریکٹ مزدور اور 2000 کے قریب نامعلوم ملزمان پلانٹ میں پریشانی کا باعث بنے ہیں۔پولیس نے اس معاملے میں اب تک 149 افراد کو گرفتار کیا ہے جبکہ کچھ دیگر افراد کو حراست میں لیا گیا ہے۔</p>