صوبہ کرناٹک کی انتہائی عبقری و روحانی شخصیت حضرت علامہ الحاج الشاہ قاضی محمد اسماعیل مقبولی کا انتقال

<p>ابھی بعد نماز عشاء عزیز گرامی حضرت مولانا سنابل رضا برکاتی مقبولی زید مجدہ (ہانگل شریف، کرناٹک) کے ذریعہ یہ جان کاہ خبر موصول ہوئی کہ موصوف کے نانا جان حضور مناظر اہل سنت ،فاتح گوآ، تلمیذِ اعلی حضرت کشمیری، ابوالعلماء حضرت علامہ الحاج الشاہ قاضی محمد اسماعیل مقبولی علیہ الرحمہ (والد گرامی مقبول العلماء قاضی محمد ابراہیم مقبولی مد ظلہ العالی) کا انتقال پرملال ہو گیا۔ انّا للہ واناالیہ راجعون۔
موصوف صوبہ کرناٹک کی انتہائی عبقری ، علمی و روحانی شخصیت تھیں۔ اعلیٰ حضرت کشمیری حضرت علامہ الشاہ سید مقبول شاہ کشمیری قدس سرہ کے آپ مایہ ناز شاگرد رشید تھے۔ دکّنی علاقوں خصوصاََ کرناٹک اور گوآ میں آپ کی دینی ملّی خدمات قابلِ رشک ہیں۔ ہبلی کرناٹک کے زمانہ تدریس میں فقیر ایک مرتبہ آپ کے شہر ہانگل شریف حاضر بھی ہوا مگر افسوس آپ کی شخصیت سے ناآشنائی کے باعث زیارت وملاقات سے محرومی رہی۔
دعا ہے اللہ جل وعلا آپ کی جملہ خدمات رفیعہ کو قبول فرمائے اور آپ کی بے حساب مغفرت فرمائے اور تمام لواحقین کو صبر جمیل اور اس پر اجرِ جزیل مرحمت فرمائے۔ آمین!بجاہ سید المرسلین صلی اللہ علیہ وسلم۔</p>
<p>ابرِ رحمت ان کی مرقد پر گہرباری کرے
حشر تک شانِ کریمی ناز برداری کرے</p>
<p>فنا کے بعد بھی باقی ہے شانِ رہبری تیری
خدا کی رحمتیں ہوں اے امیر کارواں تجھ پر</p>
<p>°°°°°°°°°°°°°°°°</p>
<p>گدائے سرہند
نازش مدنی مرادآبادی غفر لہ
نزیل: فیض آباد، ایودھیا ،اترپردیش، ہند
١٢ محرم الحرام ١۴۴۵ھ/ 30 جولائی 2023 شبِ پیر شریف</p>