میلادِ مصطفیٰ ﷺ کی بہاروں میں نوری مشن کی 150ویں اشاعت "تفسیر سورة الکوثر" منظر عام پر

<p>شانِ رسالت ﷺ میں علامہ سید شاہ تراب الحق قادری کی ’’تفسیر سورۃُ الکوثر‘‘</p>
<p>مالیگاؤں: رسول اللہ ﷺ کی آمد آمد کی خوشی منانا کتاب و سنت سے ثابت پاکیزہ عمل ہے۔ اسی مناسبت سے ناموسِ رسالت ﷺ میں ادب و احترام کی جذبۂ شوق کو پروان چڑھانے کی غرض سے نوری مشن کی 150؍ویں اشاعت ’’تفسیر سورۃُ الکوثر‘‘ منظر عام پر ہے۔ عشق رسول ﷺ کی خوشبو سے معطر یہ ’’تفسیر سورۃُ الکوثر‘‘ علامہ سید شاہ تراب الحق قادری کے محققانہ قلم سے منصۂ شہود پر ہے۔ ’’تفسیر سورۃُ الکوثر‘‘ عام فہم اور آسان و جامع ہے۔ اِس مختصر تفسیر میں جہانِ معنی آباد ہے۔ محبوب پاک ﷺ کی عظمتوں کا درخشاں و تابندہ بیان ہے۔ موجودہ دور میں سمتوں میں رسول اللہ ﷺ کی توہین کی آلودہ فضا تشکیل دی جا رہی ہے۔ تمام باطل قوتیں اِس میں شریک ہیں۔ ضروری ہے کہ ایسی کتابیں شائع کی جائیں کہ رسول اللہ ﷺ کا احترام و ادب دل ودماغ میں راسخ ہو۔ اسی پاکیزہ جذبے کے ساتھ امین ملت حضرت ڈاکٹر سید محمد امین میاں مارہروی صاحب قبلہ کی سرپرستی میں نوری مشن/اعلیٰ حضرت ریسرچ سینٹر نے اس کتاب کی اشاعت کی۔ کتاب کے اخیر میں ’’عیدوں کی عید‘‘ کے عنوان سے پروفیسر ڈاکٹر محمد مسعود احمد کا مقالہ بطورِ ضمیمہ شامل ہے جس میں میلادِ مصطفیٰ ﷺ کے اہتمام میں37؍دلائل ذکر کیے گئے ہیں۔ بِلاقیمت حصول کے لیے مدینہ کتاب گھر مدینہ مسجد مالیگاؤں رابطہ کریں۔</p>
<p>9325028586</p>
<p>9273574090</p>
<p>7588815888</p>