دارالعلوم حبیبیہ رضویہ گوپی گنج،بھدوہی کا چونتیسواں سالانہ جلسہ دستار فضیلت بنام حبیب دو عالم کانفرنس کا انعقاد

<p>گوپی گنج،بھدوہی:30 مارچ، ہماری آواز(ابوشحمہ انصاری)
دارالعلوم حبیبیہ رضویہ گوپی گنج،بھدوہی کا چونتیسواں سالانہ جلسہ دستار فضیلت بنام حبیب دو عالم کانفرنس ادارے کے عظیم الشان صحن میں نہایت ہی شان وشوکت و تزک و احتشام کے ساتھ شیخ طریقت حضرت علامہ شیخ رحمت اللہ صاحب قبلہ کی صدارت میں اختتام پذیر ہوا جس میں ملک کے مشہور و معروف علمائےکرام مشائخ عظام بالخصوص اولاد غوث اعظم حضرت علامہ سید محمد عادل میاں مدھ پردیش، حضرت علامہ مولانا شہادت حسین الہ آباد حضرت علامہ عبد الصمد ضیائی حضرت علامہ تاج محمّد رضوی نائب پرنسپل دارالعلوم، توفیق رضا الہ آبادی اور حافظ صلاح الدین،ماسٹر امتیاز نے شرکت کی نیز قرب وجوار کے علماء وائمہ موجود رہے علمائے کرام نے تعلیم پر روشنی ڈالتے ہوئے کہا کہ اسلامی تعلیم سے ہی سماج کی برائیوں کودورکیا جاسکتا ہے مدارس اسلامیہ سے حب الوطنی ،اصلاح معاشرہ وخدمت خلق کا پیغام دیاجاتاہے 30مارچ صبح پانچ بجے تک انتہائی کامیابی سے پروگرام چلتا رہا دارالعلوم کے پرنسپل علامہ محمد مختار رضوی صاحب نے اس حسین موقع پر موجود تمام مہمانوں اور عام لوگوں کا خیر مقدم کیا اور شکریہ ادا کیا۔
نظامت کے فرائض نقیب ہندوستان مولانا زاہد رضا بنارسی نے انجام دیا۔</p>