موت عالِم سے جڑی ہے موت عالَم بے گماں

<p>مفتی کرناٹک کے وصال پر علما غمگین</p>
<p>گورکھپور، ١/ اکتوبر، ٢٠٢٣ء بروز اتوار عالم اسلام کی ایک عظیم علمی شخصیت مفتی اعظم کرناٹک مفتی انوار علی حشمتی کا انتقال ہو گیا، ان کی رحلت سے علما غمگین ہیں، اسی سلسلے میں شہر گورکھپور کے مؤقر علمائے کرام نے تعزیت کا اظہار کیا۔</p>
<p>مفتی شہر مفتی اختر حسین منانی نے تعزیت پیش کرتے ہوئے کہا کہ مفتی کرناٹک دنیا سے تشریف لےگئے
انا للہ وانا الیہ رٰجعون
خداوند قدوس حضرت کے مراتب بلند سے بلند ترین فرمائے محبین کو صبر کی توفیق مرحمت فرمائے،
حضرت مفتی صاحب قبلہ علیہ الرحمہ عظیم شخصیت کے مالک تھے تنہا اپنی ذات میں ایک انجمن تھے قوم و ملت کے درد سے سینہ لبریز تھا دین وسنیت کے بطل جلیل تھے صراط مستقیم کے عظیم داعی ورہنما تھے اہل سنت وجماعت کی شان تھے، پوری حیات قال اللہ وقال الرسول کی زمزمہ سنجی میں صرف کی، امت مسلمہ کی آخری وقت تک مسلک اعلیٰ‌حضرت کی طرف رہنمائی کرتے رہے اور پھر موت العالم موت العالم کے مصداق ہوکر رب حقیقی سے جا ملے، اللہ رب العزت حضرت کی ذات پر بے پناہ فضل فرمائے اور اہلسنت کو حضرت کا نعم البدل عطا فرمائے۔</p>
<p>مفتی معراج احمد القادری منانی نے کہا کہ مفتی کرناٹک مفتی انوار علی حشمتی صاحب نے ساری زندگی نہ مٹنے والی دینی خدمات‌ کو انجام دیا اور لوگوں کے دلوں میں عشق رسول بسانے کا کام کیا، لوگوں کے ایمان و ایقان کی حفاظت کرنے کی ہر ممکن کوشش انجام دی، اللہ تعالی ان کے لواحقین کو صبر جمیل عطا فرمائے اور حضرت کے درجات بلند فرمائے۔</p>
<p>نائب قاضی مفتی محمد اظہر شمسی نے کہا کہ مفتی اعظم کرناٹک ایک بلند پایہ اور بالغ نظر عالم دین گزرے ہیں، آپ نے ساری زندگی دین و سنیت کی تبلیغ فرمائی آپ اسلاف کی زندہ تصویر تھے،‌ آپ جہان علم میں اپنا ایک عظیم مقام رکھتے تھے،‌ آپ کا وصال اہل سنت کے لیے ایک عظیم خسارہ ہے خدائے واحد و قدوس ان کا نعم البدل عطا فرمائے اور حضرت کو غریق رحمت فرمائے۔</p>